Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
16-01-2018, 16:47   Хэсэг: Мэдээ мэдээлэл   Сэтгэгдэл: 0  

ӨМНӨГОВЬ АЙМГИЙН ЦОГТЦЭЦИЙ СУМАНД НҮҮДЭЛЛЭН АЖИЛЛАЛАА.

2018 оны 01 дүгээр сарын 16-ны өдөр Өмнөговь аймгийн Цогтцэций сумын иргэдийн нийтийн хуралд Тус шүүх нь Өмнөговь аймаг дахь Сум дундын 1 дүгээр прокурорын газартай хамтран оролцон "Шүүхийн иргэдийн төлөөлөгчийн эрх зүйн байдлын тухай хууль” "Иргэдийн төлөөлөгчөөр сонгогдохийн ач холбогдол” зэрэг сэдвүүдээр шүүхийн тамгын газрын дарга Э.Энхтүвшин, Эвлэрүүлэн зуучлах ажиллагааны онцлог, эвлэрүүлэн зуучлах ажиллагаанд хэрхэн өргөдөл гаргах вэ” сэдвээр эвлэрүүлэн зуучлагч Э.Эрдэнэтуяа нар мэдээлэл өгч, нүүдэллэн ажиллалаа.

Үүний зэрэгцээ ШЕЗ-ийн даргын 2017 оны 05 дугаар сарын 29-ны өдрийн 65 дугаартай тушаалаар батлагдсан удирдамжийн дагуу Монгол Улсын нийт шүүхийн хэмжээнд "Шүүхэд итгэх иргэдийн итгэл” санал асуулга авах ажлыг тус суманд зохион байгуулж өдөрлөгт оролцсон иргэд, хөдөлмөрчөөс санал асуулга авлаа.

Санал асуулгыг хөндлөнгийн гэрчийг байлцуулж тухайн шүүхээр хэрэг маргаанаа шийдвэрлүүлэхээр үйлчлүүлж байсан 5 иргэдээс мөн тухайн орон нутгийн засаг захиргааны нэгжийн шүүхээр үйлчлүүлж байгаагүй 5 иргэдээс санамсаргүй түүврийн аргаар сонголт хийн санал асуулгыг авч битүүмжилсэн дугтуйнд хийлээ.

Түүнчлэн шүүхэд хандах, зөрчигдсөн эрхээ сэргээлгэх тухай гарын авлага, брошур, эвлэрүүлэн зуучлах ажиллагааны онцлог, ач холбогдлын талаарххэвлэмэл хуудсуудыг иргэд хөдөлмөрчидөд тараан, хууль сурталчлах ажлыг зохион байгуулан иргэдэд шүүхийн үйлчилгээг ойртуулж ажиллалаа.


Нийтэлсэн admin   Үзсэн: 117   |   Сэтгэгдэл: 0
ХЭВЛЭХ
Төсөөтэй мэдээлэл:
Иргэн танд


Санал асуулга
 

Шүүхээр үйлчлүүлэхэд шаардлагатай мэдээллийг Та авч чадаж байна уу?

Тийм
Үгүй

 
 
Хандалт
Бидэнтэй нэгдээрэй
  |  
«    Аравдугаар сар 2018    »
ДаМяЛхаПүБаБямНям
1234567
891011121314
15161718192021
22232425262728
293031